Xornadas OAOA de Galicia

Que é a metodoloxía OAOA?

OAOA: Outros Algoritmos para as Operacións Aritméticas

Aínda que o termo OAOA fai referencia aos algoritmos, as siglas OAOA supoñen un movemento radical sobre o ensino e a aprendizaxe das matemáticas que pretende facer desta materia unha ferramenta para a igualdade social, e non un instrumento de selección intelectual. Este movemento mundial pretende acabar coa idea: “as matemáticas non se me dan”. Todo o mundo está capacitado e apto para elas, só debe cambiar a maneira de abordalas.

O movemento OAOA, non só pretende renovar os algoritmos tradicionais das operacións aritméticas, engloba todos os aspectos que teñen que ver con esta disciplina; numeración, cálculo, medida, xeometría, estatística, azar e probabilidade, resolución de problemas,…

Este movemento de renovación, non é novo, sempre existiu, temos datos claros dende os anos 1940, 50, 60,… Pero, agora unímonos a esta onda milleiros de mestres, profesores/as en España e América Latina, para dar un gran impulso ao cambio que necesita a Educación Matemática.

A principal ferramenta que utilizamos para dar a coñecer as nosas ideas é o VÍDEO-ARTIGO, é dicir, transmitir as ideas mediante vídeos, onde podemos ver situacións reais de ensino e aprendizaxe.

Únete! Pon OAOA na túa escola e será de primeira!

Quen forma parte do movemento OAOA? Forman parte deste movemento de renovación do ensino e aprendizaxe das matemáticas todos os docentes de infantil, primaria, secundaria e universidade; así como as familias (nais, pais, irmáns,…) e persoas que desexen acabar co feito: “As matemáticas son unha tortura para millóns de estudantes en todo o mundo”

Onde nos atopas?

  • Blogue: oaoamatematicas.blogspot.com
  • Faceb:oaoamatemáticas@gmail.com
  • Twitter: oaoamatematicas@gmail.com
  • oaoamatematicas.org
  • Tamén estamos en TELEGRAM (móbil)

 

O obradoiro, impartido polo profesor Antonio Ramón Martín Adrián, está dirixido a mestres, pais e nais de Ed. Infantil e Primaria.

Terá dúas datas:

  • Xoves 23 de Marzo de 16:30h a 20:00h nas instalación da Fundación Barrié.
    • 16:30h a 18:00h: Presentación de vídeos realizados polos alumnos do grupo de mestres OAOA de Galicia na súas aulas.
    • 18:30h a 20:00h: Obradoiro OAOA impasrtido por Tony Martín (Os participantes deberán de traer unha caixa de Regletas Cuisinaire).
  • Sábado 25 de Marzo nas instalacións da Escola Rosalía de Castro (Ctra. Bembrive Nº 91, Vigo) de 10:00h a 13:00h.

 

Inscrición

  1. Data límite: o día 3 de febreiro 2017
  2. Comunicación aos centros: A confirmación  aos centros farase entre o 13 e o 17 de febreiro.
  3. Boletín de inscrición: